Një fluturim i avionit të Ryanair u detyrua të bënte një ulje urgjente në Londër pasi një pasagjer u konfirmua i vdekur në bord.
‘The Mirror’ shkruan se fluturimi nga Tirana për në aeroportin e Mançesterit, u detyrua të devijonte pasi kishte fluturuar tashmë mbi Zvicër dhe Francë. Ekuipazhet e urgjencës mbërritën në avion pas uljes, por edhe pse i kanë dhënë ndihmën e parë pasagjerit, nuk kanë mundur ta shpëtojnë. Ende nuk dihet mosha dhe shtetësia e pasagjerit.
‘London Stansted’ konfirmoi se sapo avioni u ul mbërritën në kohë mjekët dhe shërbimi zjarrfikës, sapo u dha alarmi se një person kishte shfaqur probleme shëndetësore. Por edhe pas ndihmës mjekësore, pasagjeri nuk ia dalë. Viktima shoqërohej nga disa miq të tij, ndërsa paraprakisht dyshohet se ka pësuar infarkt.
