Dy tërmete brenda pak minutash janë regjistruar në vendin tonë, ku sërish epiqendra e tyre ka qenë në Fushë Krujë.
Lëkundjet e para sizmike u regjistruan në orën 08:59, ku sipas Qendrës Sizmiologjike Europiane-Mesdhetare tërmeti ka qenë me magnitudë 3.9 e shkallës Rihter. Epiqendra e tij ka qenë 8 km në jug-perëndim të Krujës dhe 16 km në veri-perëndim të Tiranës, teksa ka patur një thellësi fokale prej 15 km.
Ndërkohë, 5 minuta më pas, në orën 09:04, e njëjta zonë është shkundur sërish nga një tjetër tërmet me magnitudë 3.8 e shkallës Rihter dhe me një thellësi fokale prej 15 km.
Epiqendra e tij ka qenë më pranë kryqeytetit, vetëm 8 km në veri-perëndim të Tiranës.












