Është ndarë nga jeta Paulin Ndoja, ish-portieri i Vllaznisë dhe Kombëtares Shqiptare, një emër që la gjurmë të pashlyeshme në historinë e këtij sporti.
I njohur si “Mjeshtër i Madh”, Paulin Ndoja lindi në Shkodër më 19 dhjetor 1945 dhe u përfshi që herët në rrugën e sportit, duke u dalluar menjëherë si një talent i rrallë.
Në moshën 20-vjeçare, ai fitoi Kupën e Shqipërisë me Vllazninë në vitin 1965. Pas një periudhe në Skrapar për shërbimin ushtarak, u rikthye në ekipin e zemrës për të ndihmuar në fitimin e titullit kampion dhe të Kupës së Shqipërisë në sezonin 1971-1972.
Ndarja nga jeta e Paulin Ndojës është një humbje e madhe për sportin shqiptar. Ai do të kujtohet gjithmonë si simbol i pasionit, përkushtimit dhe talentit të rrallë që Shkodra i ka dhuruar historisë së futbollit shqiptar.
