Pas dy viteve e gjysmë betejë dhe sherre mes demokratëve, sot Gjykata e Apelit i ka dhënë Sali Berishës “vulën” e Partisë Demokratike.
Trupa gjykuese vendosi të mos pranojë ankimimin e Enkelejd Alibeajt duke lënë në fuqi vendimin e gjyqtarit Agron Zhukri.
Gjykata e Apelit tashmë njeh Sali Berishën si kryetar të PD-së dhe tashmë “vula” dhe logoja e Partisë Demokratike shkon tek kryetari “Non Grata” nga SHBA dhe Britania e Madhe.
Vendimi i trupës gjykuese, i cili përbëhet nga Alma Ahmeti, Iliba Bezati dhe Elona Toro, është i formës së prerë duke i dhënë fund pas 3 vitesh betejës ligjores në dyert e gjykatës për fatin e partisë më të madhe opozitare në vend.
