Gjendja shëndetësore e Fatos Nanos është stabilizuar. Ish kryeministri socialist është rikthyer në shtëpinë e tij pasditen e djeshme pas rreth 1 muaj i shtruar në një spital privat që prej 24 gushtit.
Nano është shoqëruar sot për në banesën e tij me ambulancën e spitalit privat. Nano vuan nga një sëmundje Pulmonare Obstruktive Kronike e quajtur ndryshe si SPOK.
Kjo patologji që prek mushkëritë dhe karakterizohet nga një ngushtim i rrugëve respiratore me pasojë kryesore vështirësinë e furnizimit me oksigjen. Gjithashtu Nano u nderua nga Kryeministri Edi Rama me medaljen e mirënjohjes publike.
Nano është një prej personazhëve më të rëndësishëm të Shqipërisë pluraliste. Ai ka qenë katër herë kryeministër i vendit, i dyti në historinë 100 vjeçare të shtetit shqiptar pas Mehmet Shehut.
