Për herë të parë pas lirimit nga ‘arresti shtëpiak’, Sali Berisha iu bashkohet militantëve demokratë në protestë duke bllokuar nyjen në “Rrugën e Elbasanit”.
Tirana është përfshirë në kaos pasditen e sotme pasi prej orës 17:00 opozita e Berishes po mban protestë duke bllokuar nyjet kryesore të kryeqytetit, pjesë e “mosbindjes civile” duke shkaktuar bllokimin e lëvizjes së lirë të qytetarëve.
Opozita ka bllokuar 5 nyjet kryesore: Rreth-rrotullimi tek “Zogu i Zi”, tek sheshi “Uillson”, tek “Pallati me Shigjeta”, si dhe kryqëzimi tek “Rruga e Elbasanit”, pranë xhamisë së “Namazgjasë”.
