Kryebashkiaku i Tiranës, Erion Veliaj do të vijojë të qëndrojë në burg.
Gjykata e Lartë rrëzoi kërkesën e Veliajt për ndryshim të masës së sigurisë, duke lënë në fuqi arrestin me burg.
Rekursi u shqyrtua në dhomë këshillimi pa praninë e palëve dhe vendimi u mor nga treshja e gjyqtarëve me relatore Albana Boksi, ndërsa anëtarë Medi Bici dhe Sokol Binaj.
Prokuroria e Posaçme informoi gjykatën se gjatë këtyre dy muajve ka bërë 82 veprime hetimore ndaj Veliajt, në hetim për korrupsion, fshehje të pasurisë dhe pastrim parash.
Pas vendimit të sotëm të Gjykatës së Lartë, ka dyshime se Erion Veliaj mund të shkarkohet dhe në vjeshtë të zhvillohen zgjedhje të parakohshme për kreun e bashkisë.
