Gjatë mbledhjes së ditës së sotme të Këshillit të Ministrave, është vendosur shkarkimi i tre zv/ministrave të kabinetit të kryeministrit Rama.
Sipas vendimit, është liruar nga detyra, Ilva Gjuzi, zv/ministre e Turizmit dhe Mjedisit, zv/ministri i Infrastrukturës dhe Energjisë Ceno Klosi dhe zv/ministrja e Brendshme Romina Kuko. Ndërkohë nuk ka ende asnjë të dhënë lidhur me këto vendimmarrje apo dhe se kush do të marrë tashmë postet vakante.
Këto ndryshime në kabinet vijnë disa ditë përpara se Rama të mbledhë Asamblenë e Partisë Socialiste. Kujtojmë që Ilva Gjuzi, Ceno Klosi dhe Romina Kuko janë zgjedhur deputetë nga zgjedhjet e ’11 majit’ dhe me shumë gjasa mund të jenë të përzgjedhurit e Ramës, si pjesë e kabinetit të ri qeveritar “Rama 4”.
