Situata në bulevardin “Dëshmorët e Kombit” është tensionuar, ku në zonë kanë mbërritur edhe forcat speciale RENEA për të garantuar sigurinë e godinës së Kryeministrisë.
Prania e forcave speciale vjen në një moment kur përplasjet mes protestuesve dhe Policisë janë përshkallëzuar. Protestuesit kanë hedhur molotovë dhe gurë në drejtim të efektivëve, ndërsa Policia është kundërpërgjigjur me gaz lotsjellës.
Situata në kryeqytet vijon të mbetet e rënduar, teksa përplasjet mes protestuesve dhe forcave të rendit vazhdojnë, duke rritur tensionet në zonë.
Situata në Tiranë është përshkallëzuar gjatë protestës, ku protestuesit kanë mësyrë ambientet e Komisariatit nr. 3 të Policisë, të cilit, i është vënë flaka.
Pesë efektivë policie kanë mbetur të lënduar pas sulmit ndaj Komisariatit nr. 3 në Tiranë. Për ngjarjen ka folur edhe shefi i komisariatit, i cili ka deklaruar se godina është djegur si pasojë e hedhjes së molotovëve.
