Kujtim Bejdaj, mjeku i mirë dhe i urtë i qytetit të Mallakastrës që u ka shërbyer mijëra banorëve ndër vite, është ndarë nga jeta në moshën 71 vjeçare.
Ai ishte diagnostifikuar me sëmundje të rëndë dhe pavarësisht mjekimeve dhe betejës intensive për jetën, fatkeqësisht ka mbyllur sytë përgjithmonë.
Banorët e qytetit të Ballshit dhe ata të fshatrave përreth, gjenin te doktor Kujtimi kujdes dhe profesionalizëm gjatë vizitave shëndetësore. Ai ishte Mjek i Përgjithshëm dhe ka shërbyer në Spitalin e Ballshit, si dhe qendrat shëndetësore të njësive administrative.
Kujtim Bejdaj më shumë se 45 vjet u shërbeu banorëve dhe pacientëve nga çdo cep i bashkisë që me ndarjen e re quhet Bashkia Mallakastër.
