Me propozim të Kryeministrit Edi Rama ditën e sotme janë kryer ndryshime në kabinetin qeveritar.
Bëhet fjalë për Florian Semanin i cili nga sot mori postin e zv/ministrit të Financave.
Emërimi i Semanin është bërë në përputhje me nenet përkatëse të Kushtetutës dhe ligjit për organizimin dhe funksionimin e Këshillit të Ministrave.
“Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit Edi Rama, Këshilli i Ministrave vendosi Florian Semani emërohet zëvendësministër i Financave”, thuhet ne vendimin e qeverise.
Ky vendim hyn në fuqi menjëherë dhe botohet në “Fletoren zyrtare”.
