Gazetari Enrik Mehmeti ka humbur jetën mbrëmjen e së shtunës në një aksident të ndodhur në zonën e Porto Novos, në Zvërnec.
Sipas informacioneve paraprake, 40-vjeçari po lëvizte me një motor me katër rrota, kur dyshohet se humbi kontrollin e mjetit, i cili u rrokullis disa herë. Gjatë aksidentit, ai ka pësuar dëmtime të rënda në kraharor, të cilat rezultuan fatale.
Pavarësisht ndihmës së dhënë, Mehmeti nuk mundi t’u mbijetojë plagëve të marra.
