Sali Berisha nuk është paraqitur sot në Prokurorinë e Posaçme në zbatim të masë së sigurisë të vendosur ndaj tij nga gjykata “detyrim paraqitje”.
Burimet mediatike bëjnë me dije se arsyeja e mungesës lidhet me probleme shëndetësore. Më konkretisht, kryedemokrati raportohet se po kalon një situatë viroze që e ka detyruar të qëndrojë i tërhequr nga angazhimet publike ditën e sotme.
Ka qenë një nga avokatët e Sali Berishës, i cili është paraqitur në SPAK, ku i kanë informuar prokurorët se ai nuk do të paraqitet për shkak të një gjendje virale.
Mbetet për t’u parë se kur do të vendoset një datë e re për paraqitjen e tij në SPAK. Kujtojmë se Sali Berisha ndodhet në një proces të hapur hetimor dhe është subjekt i masës së sigurisë “detyrim paraqitje” nga ana e Prokurorisë së Posaçme.
