SPAK ka rrëzuar sërish Sali Berishën, lidhur me pretendimet e tij se një kallëzues anonim ‘Zaho Koka’ ka dërguar në dhjetor një letër me informacione për Olsi Ramën dhe drejtuesit e Xibrakës.
Prokuroria e Posaçme sqaron se i është drejtuar me letër BKH nëse ka pasur ndonjë kallëzim nga shtetasi i pretenduar si Zaho Koka. Pas kryerjes së verifikimeve BKH ka sqaruar se nuk ka nuk ka asnjë letër, kallëzim apo denoncim nga Zaho Koka për çështjen e Xibrakës.
“Në përgjigje të interesit tuaj: Nisur nga deklarata e bërë në media, Drejtuesi i Prokurorisë së Posaçme kundër Korrupsionit dhe Krimit të Organizuar, Z. Altin Dumani i është drejtuar Drejtoreshës së Byrosë Kombëtare të Hetimit (BKH) përmes një shkresë më dt. 13.01.2025, për të bërë verifikimet e nevojshme, nëse është dërguar në BKH ndonjë shkresë nga shtetasi i përmendur si Zaho Koka, ku jepet informacion për shtetasin Ols Rama, si edhe rrëmbimin e një biznesmeni me inicialet V.B.”, thuhet në njoftimin e SPAK.
