SPAK pasditen e sotme ka lëshuar urdhër-arreste për ish-zyrtarë të Bashkisë së Durrësit, të cilët dyshohet se kanë kryer korrupsion dhe falsifikim dokumentesh.
Burimet mediatike bëjnë me dije se një nga emrat që është kërkuar arrestimi është edhe ish-kryebashkiaku i Durrësit, Vangjush Dako. Po ashtu urdhër-arreste janë lëshuar dhe për të paktën 6 ish-zyrtarë të urbanistikës të bashkisë së Durrësit.
Mediat raportojne se Vangjush Dako akuzohet për shpërdorim detyre, në lidhje me një pallat të ndërtuar në qendër të qytetit të Durrësit, godinë e cila pësoi dëme të mëdha nga tërmeti i 2019-ës. Sakaq pritet që në orët në vijim SPAK që të japë informacione edhe për emrat e ish-zyrtarëve të tjerë.
