Sylvinho bëri disa deklarata emocionale pas ndeshjes Kroaci-Shqipëri (2-2), që solli pikën e parë të kuqezinjve në grupin B të ‘Euro2024’.
Trajneri brazilian ka bërë një premtim për popullin shqiptar, duke thënë se do të luftojnë për çdo top dhe për çdo pikë duke shpresuar kualifikimin në fazën tjetër dhe kalimin e grupit të “ferrit”.
“Kam biseduar me FSHF-ne dhe ne duam të kënaqemi në evenimente të tilla. Dua t’i premtoj popullit shqiptar që do të luftojmë në çdo moment të lojës, për çdo top dhe çdo pikë. Sot meritonim fitoren. Jam krenar me lojtarët. Jam krenar edhe për faktin që populli shqiptar ka festuar sot. Është shumë e vështirë kur analizon ndeshjen dhe sheh vetëm rezultatin. Nëse Gjasula nuk do të shënonte, ne do të ishim shumë të trishtuar. Jemi ambiciozë, të ecim përpara. Kjo Kombëtare ka shumë lojtarë me potencial“, tha Sylvinho.
