Nuk ndalen largimet nga Partia e Lirisë.
Faik Basha, anëtar i Kryesisë dhe njëherazi kreu i PL në Kamëz, është larguar nga Partia e Lirisë në prag të zgjedhjeve parlamentare të “11 majit”.
Ai ka dhënë dorëheqjen edhe nga posti i Sekretarit për Sigurinë Publike në PL, ndërsa burimet mediatike po përflasim një afrim të tij me strukturat e Partisë Socialiste.
Në fund të shkrimit, Faik Basha thotë se do të futet në betejë për Shqipëri Europiane, duke paralajmëruar një bashkëpunim me Edi Ramën.
“Kam vendosur të dorëhiqem nga të gjitha pozitat dhe detyrat që kam mbajtur në Partia e Lirisë. Gjatë periudhës që kam qenë pjesë e kësaj partie, kam vënë re një mungesë të theksuar të meritokracisë. Kam vërejtur se përparimi i individëve të aftë dhe të përkushtuar shpesh zëvendësohet nga praktika të servilëve dhe privilegjeve të paarsyeshme. Jap dorëheqjen nga cdo funksion që kam mbajtur deri më sot:
❌ Anëtar i Kryesisë së Partisë së Lirisë
❌ Sekretar për Sigurninë Publike në Partinë e Lirisë
❌ Kryetar i Grupit të Këshilltarëve të PL në Bashkinë e Kamzës
❌ Kryetar i Partisë së Liri Kamëz
Le të fillojmë këtë betejë së bashku për një Shqipëri Europiane, për të ndërtuar një Shqipëri që na bën krenarë të gjithve. Interesat e një Shqipëria Europiane janë detyrë patriotike e çdo Shqiptari”, shkroi ndër të tjera Faik Basha.
