SPAK lëshoi të shtunën dy urdhër arresti dhe një masë sigurie “detyrim paraqitje” duke u futur në familjen Berisha për çështjen e kompleksit “Partizani”.
Të arrestuar janë Jamarbër Malltezi, dhëndri i Berishës ndërkohë për Berishën është dhënë masa e sigurisë “detyrim paraqitje” në pamundësi për të dhënë një masë më të rëndë për shkak të moshës.
Ish-kryeministri Sali Berisha është marrë i pandehur për veprën penale të korrupsionit pasiv të zyrtarëve të lartë nga Prokuroria e Posaçme, një akuzë që mbart dënim nga 4 deri në 12 vjet burg. Mësohet se Berishës i është bllokuar dhe pasaporta, për të mos u larguar nga vendi.
Jamarbër Malltezi, bashkëshorti i vajzës së Sali Berishes është akuzuar për veprën penale të korrupsionit dhe pastrimit të parave, një vepër penale që parashikon dënime nga 5 deri në 15 vjet.
