Në Vlorë, këtë të shtunë do të përzgjidhet projekti për stadiumin e ri të Flamurtarit.
Kryeministri Edi Rama ishte i pranishëm në këtë aktivitet, ndërsa tha se me ndërtimin e stadiumeve do përmirësojë jo vetëm klimën sportive, por do të rrisë të ardhurat e bizneseve në qytetin bregdetar. Përvec, aeroportit, Qeveria Rama ne Vlore do te ndertoje edhe stadiumin e ri.
“Kjo është finalja e tretë e këtij procesi transformimi të infrastrukturës së futbollit, por edhe te teksturës urbane. Me këtë duam të fitojmë jo vetëm stadiume , por edhe qendra të reja të jetës sociale dhe ekonomike, të cilat do rrisin cilësinë e jetesës. Do hapim, kantierin e dytë të stadiumit “Selman Stermasi” në Tiranë, me Partner Publik Privat“, tha Rama.
