Aeroporti Ndërkombëtar i Tiranës (TIA) ka ka zgjeruar listën e destinacioneve duke shtuar edhe fluturimin më të ri drejt Zagrebit, Kroaci.
Për të inauguruar fluturimin e parë nga Zagrebi në Tiranë, në Aeroportin e Tiranës u mbajt një ceremoni mirëseardhjeje për të përshëndetur pasagjerët e parë që mbërritën në Tiranë.
Marija Pavic, Drejtore e Shitjeve në ‘Croatia Airlines’, tha: “Jemi të lumtur që këtë vit kemi përfshirë Tiranën në rrjetin tonë të destinacioneve ndërkombëtare dhe që do të lidhim Tiranën drejtpërdrejt me Zagrebin, kryeqytetin e Kroacisë”
‘Croatia Airlines’ do të lidhë Zagrebin dhe Tiranën drejtpërdrejt deri në mes të tetorit të këtij viti dy herë në javë, të premteve dhe të dielave.
