Ilir Meta denoncon nga ‘Burgu 313’ presionet që po i bëhen dhe shkelja e të drejtave të njeriut nga administrata e paraburgimit.
Teksa reagon me një audio-mesazh, Meta tha se teksa ishte duke ngrënë mëngjes, i hapet qelia nr.5 e burgut dhe aty i vijnë për një kontroll të befasishëm, fizikisht dhe nga ana materiale.
“Unë jam Ilir Meta, banor i qelisë Nr.5, i cili sot në orën 09:20 po hante mëngjes dhe po dëgjonte fjalimin e një skizofreni, i cili po fliste për standardet europiane që duheshin në fushën e drejtësisë dhe çuditërisht hapet qelia Nr.5 dhe më kërkohet të bëhet një kontroll i posaçëm, për të ndërprerë ngrënien e bukës, për të dalë përjashta. Pasi u bë kontrolli im i imët fizik i trupit, pastaj u bë kontroll i imët për gati 20 minuta në të gjithë qelinë, përfshirë edhe frigoriferin, që nuk kishte ndodhur asnjëherë, por ndodhi rastësisht besoj gjatë fjalimit të këtij skizofreni që fliste për standardet e drejtësisë”, tha ndër të tjera Meta.
