Një lajm i trishtë ka ardhur për futbollin shqiptar. Ditën e sotme është ndarë nga jeta ish-futbollisti i Lushnjës, Kristaq Gogoni.
Ai ka mbyllur sytë përgjithmonë në moshën 83-vjeçare. Ish-futbollisti Kristaq Gogoni mbahet mend për kontributin që ka dhënë për skuadrën lushnjare, duke u kthyer në emblemë dhe simbol të këtij ekipi.
Përveç Lushnjës, Gogoni pati edhe një aventurë te Partizani, e cila nuk zgjati shumë, duke u kthyer dhe njëherë në Lushnje për të luajtur me Traktorin deri në vitin 1975. Futbollisti lushnjar, me 320 ndeshje kombëtare, 6 ndërkombetare dhe 100 gola të shënuar në fushën e blertë do ti jepte fund karrierës së tij në vitin 1975.
