Legjenda e mundjes, Petrit Hajdari ka ndërruar jetë në moshën 60-vjeçare, duke lënë sportin shqiptar në zi.
Kujtojmë që Hajdari ka qenë një nga emrat më të njohur të sportit të mundjes në vendin tonë, teksa është shpallur edhe kampion si sportist i Tiranës. Në një postim në rrjetet sociale, ish-kreu i KOKSH-it, Viron Bezhani i jep lamtumirën ish-kampionit të Tiranës.
“U prehsh në paqe miku im Petrit Hajdari! Sot më duhet t’i them lamtumirë nga Dardha e Korçës, mundësit të shquar, mikut, sportistit dhe kolegut tim të mirë Petrit Hajdari. Një humbje e madhe për të gjithë komunitetin e mundjes, jo vetëm atij të Tiranës por edhe të gjithë mundjes shqiptare për atë çfarë ka dhënë ky sportist për këtë sport. Respekti e mirënjohja ime shkon për kujtimin e këtij mundësi jo vetëm për atë që ka dhënë por edhe atë që ka transmetuar te brezat e rinj. Lamtumirë, Petrit Hajdari, nderi i mundjes tiranase”, shkruan Bezhani.
