Një tërmet është regjistruar pak minuta më parë në zonën e Himarës, duke shkaktuar lëkundje që janë ndjerë në disa qytete në jug të vendit.
Sipas të dhënave të EMSC, tërmeti është regjistruar rreth orës 00:35, me magnitudë 4.5 sipas shkallës Rihter dhe me një thellësi fokale prej vetëm 5 kilometrash.
Epiqendra e lëkundjeve është lokalizuar rreth 6 kilometra në verilindje të Himarës. Thellësia e vogël fokale vetëm 5 kilometra ka bërë që lëkundjet të ndihen më fort në zonën përreth.
Mesnatën e sotme qytetarë në Himarë, Sarandë dhe Vlorë, raportojnë se kanë ndjerë lëkundje të forta tërmeti. Deri në këto momente nuk ka informacion për dëme materiale apo persona të lënduar. Vijojmë të ndjekim situatën për çdo informacion të ri.
