Përgjatë orëve të fundit Adriatik Lapaj dhe Endri Shabani janë duke u “përplasur” për shkak se nuk dihet se kush do ta gëzojë mandatin që është fituar nga “Nisma Shqipëria Behet” në Tiranë.
Daja i Endri Shabanit, Zeqir Kordhoni prej ditësh tanimë ka deklaruar se dëshiron të bëhet deputet, por shanset që kjo “ëndërr” t’i plotësohet janë të pakta, mund të themi dhe zero, duke marrë parasysh renditjen e tij në listë.
Pak kush e di që Adriatik Lapaj ka “asin nën mëngë”, pasi ajo që kryeson këtë listë është Ana Dajko, kushërira e Adriatik Lapajt. Jo më larg se një ditë më parë, vetë Lapaj deklaroi përmes llogarisë së tij në “Facebook” se Shabani dhe dajo i tij nuk kanë për ta marrë mandatin.
Nëse formula e para zgjedhjeve mes dy “ish-aleatëve” nuk shkon ashtu si dhe ata e kishin menduar, atëherë ajo që do të futet në Kuvend do të jetë 60-vjeçarja, Ana Dajko.
Por, kush është Ana Dajko? 60-vjeçarja Ana Dajko është nëna e anëtarit të kryesisë së “Lëvizjes Shqipëria Bëhet”, Vasil Dajko si dhe rezulton të jetë edhe kushërira e largët e Lapajt. Ajo ka kryer arsimin e mesëm, ndërkohë që është e vetëpunësuar.
