Ish-deputeti i PD, Ervin Salianji ka lënë ambientet e burgut të Fierit.
Salianji u shpreh se ditët e qëndrimit të tij në burg janë provë e regjimit ku jetojmë. Ish-deputeti shtoi më tej se burgosja e tij ishte për arsye politike ndërsa shtoi se burgun nuk ja uron as hasmit.
“Vuajta 10 muaj burg për arsye politike. Sot do bëj politikë në çdo cep që më jepet mundësia. Është një betejë e fituar. Për shkak të frikës të regjimi se do humbte zgjedhjet bëri këto që bëri. Do komunikojmë në seli. E dini që burgu nuk i urohet as hasmit. Sot kam një background tjetër e ndiej në lëkurë padrejtësinë që ndjejnë qytetarët. Nuk kam bërë burg për vjedhje, as për krim. Ka qenë për arsye politike. Nga ana regjimit kam qenë këtu prej 10 muajsh”. tha Salianji.
