Në garën në Tiranë për një mandat në Kuvend, Jorida Tabaku ka kaluar në avantazh kundrejt Ilir Alimehmeti.
Tabaku deri më tani nga numërimi i votave preferenciale, ka marrë 5,899 vota kurse Alimehmeti ka marrë 5,869 vota.
Siç duket nga numërimi i deritanishëm Jorida Tabaku është në avantazh me vetëm 30 vota. Deri më tani në bashkinë e Tiranës janë numëruar 435 nga 1282 kuti votimi.
Diferenca mes dy kandidatëve është e vogël dhe si rrjedhojë ky rezultat mund të ndryshojë deri në hapjen e kutisë së fundit. Vlen të theksojmë se humbja katastrofë e PD në Tiranë i ka kushtuar shtrenjt opozitës ku emra të njohur ngelën jashtë Kuvendit, përfshirë edhe Ilir Metën e burgosur.
