Numërimi i votave në të gjitha KZAZ vijon me ritme të shpejta. Deri tani ka përfunduar numërimi në 38 bashki nga 61 në total.
Nga këto PS ka fituar deri tani 32 bashki, kundrejt “Bashkë Fitojmë” e cila ka fituar deri tani 6 bashki.
Në pjesën më të madhe të bashkive të mëdha ku ende nuk ka përfunduar numërimi, shihet një epërsi e kandidatëve të PS.
Suprizë mbetet Shkodra. I njohur si bastioni i demokratëve, deri tani kur ka përfunduar numërimi i më shumë se gjysmës së kutive të votimit, Benet Beci ka një epërsi mbi 9 mijë vota.
Edhe në Tiranë Erion Veliaj i PS-së i cili kërkon në këto zgjedhje një mandat të tretë kryeson me mbi 30 mijë vota kundrejt Belind Këlliçit të “Bashkë Fitojmë”.
