Piramida e Tiranës po merr formën e saj për t’u shndërruar në qendrën më të madhe të teknologjisë në Ballkan. Kështu shprehet kryeministri Edi Rama teksa ka publikuar disa foto nga punimet brenda dhe jashtë saj.
“Dhe me Piramidën e Tiranës, e cila po merr formën e konceptuar nga arkitekti i famshëm hollandez, Winy Maas, për t’u bërë së shpejti qendra më e madhe digjitale e Ballkanit, ju uroj një ditë të mbarë”, shkruan Rama.
Rama bëri të ditur se Piramida do të ketë 18 salla, ku të rinjtë mund të studiojnë IT, robotikë, dizajn, si dhe 14 klasa në natyrë. Në fotot e mësipërme duket projekti transformues i godinës së Piramidës, që prej vitesh nuk është më funksionale. Rreth e qark Piramidës do të jetë një hapësirë e madhe publike e gjelbëruar, ndërsa punimet do të përfundojnë në vitin 2023.
