Vajza e ish-kryeministrit Sali Berisha, Argita Malltezi tha se nuk ndërhyri asnjëherë në mosparaqitjen e babait të saj në SPAK, pasi e konsideroi të drejtë vendimin e tij.
E pyetur nga gazetari Arian Çani nëse kjo situatë vjen nga shpallja “non grata”, Argita Malltezi tha se kjo ka qenë pasojë e një lobimi korruptiv kundër Berishës.
》Argita Malltezi: Ky ka qenë lobim korruptiv që ka çuar në dizenjimin non grata. Por është një gjë ajo që ndodh në rrafshin politik dhe është krejt tjetër gjë, kur strukturat e brendshme të ngritura për drejtësi dhe zbatim të ligjit, shkelin ligjin me të dy këmbët, falsifikojnë prova për të futur në burg liderin e opozitës.
》Arian Çani: Mos duhet përmendur më shpesh lufta që ju bëni për lirimin e Berishës? Se ju keni shënjestruar SPAK, Edi Ramën, juve kjo ju vjen nga SHBA. Ideja është me kë e keni luftën? Mua më duket se është pa sens lufta juaj.
》Argita Malltezi: Lufta për të qëndruar në diçka që beson nuk është kurrë pa sens. Berisha e ka thënë që në fillim se ai nuk lejon që një i huaj t’i caktojë Shqipërisë opozitën.
