Kryeministri Edi Rama ka zhvilluar ditën e sotme një takim me të rinjtë në Jalë, ku ndër të tjera është pyetur nga një studente në lidhje me protestat e fundit të studentëve në Maqedoninë e Veriut.
Sipas saj mbështetja e Tiranës zyrtare ka qenë shumë herë më e madhe se ajo e Kosiovës, dhe për këtë pyeti kryeminstirin nëse kishte menduar të bënte diçka në lidhje me këtë duke “ndikuar” në një formë te Kurti.
Rama u ndal te marrëdhënia e tij me kryeministrin e Kososvës, por theksoi se ai nuk mund të ndërhynte te politikat e saj. Duke folur edhe për marrëdhënien e ngushtë me Ali Ahmetin.
“Unë qysh herët e kam pasur vijën time të kuqe, nuk bëj babën e askujt që ka shtëpinë e vet, Kosova ka instuticionet e veta. Ka qenë një kohë ku i tregohej Kosovës çfarë duhet të bënte, kanë qenë vite brutale që kanë sjellë vetëm dëme. Në bashkëpunim me Maqëdoninë kemi pasur një tryeze nuk e kujtoj vitini, unë kam lehtësuar takimin mes tyre. Nuk ishte e lehtë, të uleshin në tryezë, por ishte kërkesë e tyre nuk ishte nxitja ime. Kur kanë ardhur nuk rrinin dot në një salle me njëri-tjetrin. Unë kam një miqësi që nuk e mohoj me Ali Ahmetin, po askush nuk thotë dot me fakte që unë të kem hyrë në fushatë, larg qoftë. Kam qenë gjithmone respektues. Ndërkohë Kosova nuk varet nga Shqipëria, unë Albinin e takoj me kënaqësi se na ecën muhabeti, po të kishte kamera në takimet tona do të habitej e gjithë bota. Fatmirësisht qëllimet i kemi të përbashkëta, metodat i kemi të ndryshme, kemi një respekt reciprok, secili ka shtetin e vet, qëllimin e vet, mendjen e vet.”, u shpreh Rama.
