Meteorologu Hakil Osmani tha se dita e sotme ka nisur ulja e temperaturave në vend.
Osmani parashikon të ketë reshje shiu, të cilat do të kulmojnë nesër (e merkure) me rrebeshe të forta në disa zona të Shqiperise.
“Dita e sotme ka sjellë një rënie të lehtë të temperaturave të ajrit. Një rënie më e ndjeshme e temperaturave do të jetë te merkuren ku temperaturat maksimale do të regjistrohen në 32-33 gradë celsius në zonët përreth Fierit, ndërsa në vendet e tjera do të jetë rreth 27-31 gradë celsius, ndërsa në zonat malore në 24-25 gradë celsius. Të mërkurën do të kemi reshje shiu në pjesen me te madhe të territorit. Por jo vetëm dita e mërkurë, por edhe dita e enjte do të jetë me temperatura të freskëta. Duke filluar nga e premtja më pas do të kemi një rritje të temperaturave që do të shoqërohen gjatë gjithë fundjavës, ku pritet të shkojnë në vlerat 36-37 gradë celsius“, u shpreh Osmani.
