Ervin Salianji ka mbërritur në Gjykatën e Fierit, ku pritet të nisë seanca për shqyrtimin e kërkesës së tij për lirimin me kusht, pasi ka ezauruar 2/3 e dënimit.
Ish-deputeti i PD-së u shfaq me pranga në duar në momentin kur doli nga furgoni i Policisë për t’iu drejtuar gjykatës, teksa shoqërohej nga dhjetra efektivë.
Në seancën e sotme Shërbimi i Provës pritet të paraqesë raportin e tij, në bazë të të cilit gjykata do vendosë për pranimin ose rrëzimin e kërkesës për lirimin e Salianjit.
Salianji ndodhet prej 27 shtatorit të vitit të kaluar në burgun e Fierit, pasi Gjykata e Apelit la në fuqi vendimin e Shkallës së Parë duke e dënuar me 1 vit burgim për vepren penale “shpifje”.
