Samanta Gjeci (17 vjeç) me origjinë shqiptare ka pushtuar faqet e para të mediave italiane, për shkak të rezultateve ekselente në shkollë. Mediat italiane shkruajnë se vajza me origjnë shqiptare ka mbajtur notat maksimale në të gjitha lëndët për të dytin vit radhazi në gjimnazin “Canova” në Treviso.
Në artikullin e gazetës Il Gazzettino përmendet vlerësimi i adoleshentes për prindërit e saj të cilët kanë sakrifikuar shumë.
“Prindërit e mi më mbështesin dhe janë shumë krenare. 30 vjet më parë, babai im zbarkoi në Itali nga Shqipëria. Dhe e di sa sakrifica ka bërë për mua“-është shprehur Samantha e cila po ashtu ka kryer tashmë një stazh në sektorin e ndërtimit të Bashkisë Treviso.
