Mero Baze e konsideron Edi Ramën, si kryeministrin më të mirë të marketingut që ka patur Shqipëria në 100 vitet e fundit. Baze tha se Rama e ka reklamuar Shqipërinë në arenën ndërkombëtare si askush më parë, duke ndihmuar edhe në rritjen e turizmit.
Mero Baze: “Edi Rama është ndoshta një nga kryeministrat më të kulturuar që ka patur Shqipëria. Rama eshtë njeri që të nderon në raportet ndërkombëtare, agjenti më i rëndësishëm i marketingut të Shqipërisë në 100 vite. Nuk kemi patur asnjë kryeministër që ti bëjë kaq shumë marketing Shqipërisë me ato ekzibicionizmat e tij, marrëzitë e veta ndonjëherë, karagjozllëqet e veta. Lidhjet e tij ndërkombëtare janë të jashtëzakonshme”
Baze konsideron si problem të Ramës, faktin që ai “nuk e duron dot burokracinë e shtetit, ingranazhet e të cilit janë të ngadalta dhe kërkesat e tij për të mbaruar punë shpejt, shpesh fusin në telashe bashkëpunëtorë dhe nëpunës të shtetit, të cilët u duhet të firmosin edhe gjëra që nuk bëhen apo të përshpejtojnë procedura duke përfunduar në burg”.
