Ministri i Kulturës dhe Turizmit, Blendi Gonxhja theksoi se Shqipëria ka pasure një performancë të mirë në dymujorin e parë të 2026, duke theksuar se interesimi për qendrat kulturore ka qenë në rritje.
Ndërsa zbuloi se për herë të parë, qeveria shqiptare do të shpërblejë të rinjtë që marrin pjesë në konkurse për organizme të ndryshme kulturore.
Në fjalën e mbajtur para të pranishmëve, ministri Gonxhja theksoi se numri i biletave është shumëfishuar në krahasim me të njëjtën periudhë të vitit të mëparshëm, duke nënvizuar se kjo zbërthehet në rritje të ardhurash.
“Sa i përket perfomancë së insituticionit për vitin 2026 duke krahasur janar, shkurtin, pjesëmarrja e publikut ka qenë në rriejt duke kahasuar me 2025. Në total biletat janë rritur me 57%. Siç mund të kuptohet dhe nga numri i biletave ka një rritje te ardhurash 96 % ose 5 milionë lekë të reja. Në total, kemi 57% më shumë rritje biletash, 7 % më shumë pjesëmarrje e më shumë shfaqje. Kemi një indeksim në insitucione të tarifave dhe çmime të biletave. Ne kështu kemi treguar se jemi të aftë për të rritur të ardhurat tona ndaj jemi më të gatshëm të kërkojmë një buxhet nga Ministria e Financave dhe Buxheti i Shtetit” tha ministri Gonxhja.
Duke folur për projektet në fushën e kulturës të cilat sipas ministrit kanë qenë në rritje, Gonxhja zbuloi se për herë të parë qeveria shqiptare do të mbështesë talentët e rinj duke i nxitur ata të marrin pjesë në organizime të ndryshme kulturore. Ndërsa shtoi se personi që arrin të rrëmbejë vendin e parë në konkursin e të rinjve, do të shpërblehet me një shumë modeste prej 60 mijë lekësh të reja.
“Për herë të parë qeveria shqitare mbështet thirrjen për talentet rinore nga 15-29 vjeç. Një lloj mobiliteti për moshën e re për të marrë pjesë për t’u angazhuar. Nëse do të kemi një rezultat të lartë do të ketë një fitim modest prej 60 mijë lekë të reja” shtoi ministri Gonxhja.
I pyetur në lidhje me muzeun arkeologjik të Tiranës, Gonxhja theksoi se rikonstrukturimi është në vijm përmes së cilit po krijohet mundësia që në një të ardhme të afërt Tirana të ketë një muze të jashtëzakonshëm. Duke shtuar se përmes tij synohet të rritet dhe numri i të interesuarve, çka zbërthehet në të ardhura të larta.
