Ministrja Belinda Balluku ka njoftuar se së shpejti në Shqipëri do vihen në zbatim disa projekte strategjike për vendin.
Gjatë një takimi me Ministrin e Punëve të Jashtme të Emirateve të Bashkuara Arabe, Balluku shkruan se u diskutua edhe për forcim të marrëdhënieve të dy shteteve në fushën e ekonomisë, turizmit, instrastrukturës dhe inovacionit.
“Në Abu Dab! Me Sheikh Abdullah bin Zayed Al Nahyan, Ministri i Punëve të Jashtme të Emirateve të Bashkuara Arabe diskutuam mbi marrëdhëniet dhe forcimin e mëtejshëm të bashkëpunimit mes dy vendeve tona në fusha të ndryshme, ekonomi, turizëm, inovacion, infrastrukturë, si dhe zhvillimin dhe shkëmbimin e praktikave qeveritare. Energjia dhe klima janë gjithashtu dy sektorë të rëndësishëm ku ka hapësirë dhe vullnet për të bashkëpunuar më ngushtësisht mes Shqipërisë dhe Emirateve të Bashkuara. Muajt në vazhdim do të jenë shumë premtues dhe mezi pres të ndaj me publikun vendimet që kemi marr gjatë kësaj vizite në Emiratet e Bashkuara Arabe”, njofton Balluku.
