Histori suksesi në Qendrën Spitalore Universitare “Nënë Tereza” në Tiranë.
Lajmi bëhet i ditur nga Ministrja e Shëndetësisë , Ogerta Manastirliu e cila thotë se mjekët e shërbimit të Hemodinamikës kanë bërë një ndërhyrje të rrallë në zemër duke i shpëtuar jetën një 27-vjeçari.
“Mjekët në QSUT bëjnë mrekulli me një 27-vjeçar të cilit i shpëtojnë jetën, me një ndërhyrje të rrallë në zemër që zgjati 5 orë. Për herë të parë në Shqipëri u bë vendosja e aparatit CRT-D (terapi resinkronizimi dhe defibrilator i implantueshëm kardiak) si dhe vendosja e nje sonde subkutane për defibrilim kardiak. Pajisjet CRT-D janë pajisje shumë të kushtueshme dhe bartin një shkallë të lartë vështirësie për t’u vendosur, por falë investimeve të kryera në QSUT u bë e mundur ndërhyrja delikate që rezultoi e suksesshme për të riun”, shkruan Manastirliu.
