Ditën e sotme vendi do të ndikohet nga kushte atmosferike relativisht të paqëndrueshme.
Sipas parashikimeve të bëra nga Shërbimi Meteorologjik Ushatarak bëhet me dije se, gjatë ditës së sotme moti do të jetë me kthjellime si dhe alternime vranësirash mesatare.
Vranësirat do të jenë më të theksuara përgjatë relieveve malore në lindje të territorit.
Reshjet e shiut parashikohet të jenë prezente në orët e para të 24-orëshit deri në orët e mesditës në pjesën më të madhe të territorit me intensitet të ulët, ndërsa lokalisht në veri e qendër reshjet parashikohen në formën e shtrëngatave afatshkurtra.
Pas orëve të mesditës reshjet e shiut pritet të lokalizohen vetëm në relievet malore në veri e lindje me intensitet të ulët dhe në mënyrë të izoluar.
