Gjatë takimit me përfaqësues të biznesit të madh në Kavajë për rritjen e pagës minimale, kryeministri Edi Rama ka kujtuar dhe kohën kur kandidonte për herë të parë në krye të bashkisë së Tiranës.
Rama u shpreh se Tiranës i duhej vetëm një njëri anormal që të bëhej dhe qytetatëve nuk i doli keq.
“Më kujtohet kur kandidova herën e parë dilte njëri, një shkrimtar i madh shumë dhe thoshte: ‘Mos ja jepni votën atij se ai nuk është njeri normal’. Edhe unë thosha: ‘A ka njëri normal që do të bëhet kryetar bashkie i kësaj Tirone që keni ju? Jo. Ka shans një njeri normal t’jua rregulloj këtë Tironë? Jo. Po provoni një herë një anormal dhe nuk ju doli keq. Kështu që për ta mbyll këtë pjesën e pagave, një pjesë shumë e rëndësishme është edhe turizmi”, u shpreh ndër të tjera ai./abcnews.al
