Deputetët e PD të qarkut Shkodër, Luçiano Boçi dhe Bardh Spahia, janë përplasur me efektivët e policisë në Theth, ku kishin shkuar për të “mbrojtu” banorët që kundërshtojnë prishjen e ndërtimeve pa leje.
Deputeti demokrat është përleshur edhe me një person, i cili prezantohet se është drejtori i Policisë së Shkodrës, Fatmir Lleshaj.
“Çfarë drejtori je ti? Ku e ke bexhin”, dëgjohet t’i thotë Boçi.
“Mos më kap me dorë se ta mbështjell mirë, legen m….”, i tha deputeti Boci një tjetër efektivi.
“E mendove mirë që më preke?”. “O trim hajde një minutë”, i tha Boçi, Lleshajt.
Prej disa ditësh situata në Theth është tensionuar pas nisjes së operacionit të IKMT-së për prishjen e ndërtimeve pa leje në zonë. Banorët kundërshtojnë veprimet e shtetit, pasi thonë që nuk e kanë të mundur që të ndërtojnë me leje pasi u mungojnë certifikatat e pronësisë.
