Dy ditë pas inaugurimit të segmentit rrugor Qukës–Qafë Plloçë, kryeministri Edi Rama ka ndarë opinionet e qytetarëve që tashmë kanë kaluar në këtë aks, i cili lehtëson ndjeshëm lëvizjen drejt juglindjes së vendit.
“Ne vinim për dy orë në Pogradec, tani kemi shpëtuar”, shprehet një prej tyre
Një tjetër thekson: “Super rrugë, nga Mokra në Pogradec gjysmë ore”.
Qytetarët e kanë vlerësuar punën e bërë, duke theksuar se kjo rrugë tregon përparimet që po realizohen në infrastrukturë: “Na bëhet qejfi shumë që edhe në Shqipëri po bëhen shumë përparime. Jemi të kënaqur”.
Segmenti Qukës–Qafë Plloçë nisi të ndërtohej në vitin 2009 dhe u përfundua pas 16 vitesh, me një kosto prej rreth 260 milionë dollarësh nga buxheti i shtetit.
