Të gjithë personat që kanë mbushur moshën e pensionit dhe vijojnë të punojnë të regjistruar si të vetëpunësuar nuk do të paguajnë më sigurime shoqërore.
Qeveria Rama ka miratuar disa ndryshime në ligjin nr.7703, datë 11.5.1993, “Për sigurimet shoqërore në Republikën e Shqipërisë”, duke hequr këtë “barrë” për mbi 1 mijë pensionistë aktiv ne pune të cilët ditët në vijim do të kenë më shume të ardhura në familjet e tyre pasi nuk do të paguajnë më kontributet çdo muaj.
Sipas ndryshimeve: “Përjashtohen nga detyrimi për të paguar kontributet e detyrueshme të sigurimeve shoqërore përfituesit e pensionit të pleqërisë, që vetëpunësohen si të vetëm në sektorin privat”
Një tjetër ndryshim sanksionon që “Përfituesve të pensionit të pleqërisë, të cilët, ndërkohë që tërheqin këstin mujor të pensionit janë të punësuar ose të vetëpunësuar në sektorin privat, nuk u njihet periudha e punësimit si periudhë sigurimi, për efekte përfitimi nga ky lig”.
