Evi Kokalari ka replikuar me demokratët që shpresonin se Richard Grenell do të emërohej Sekretar Shteti dhe kështu do t’i hiqte “non grata”-n Sali Berishës.
Kokalari ka ironizuar demokratët me shprehjen e famshme të Berishës, “Jam Sali Berisha unë, o budallenj”, ndërsa thotë se nëse hapet dosja amerikane e këtij të fundit, do plasin skandale të paimagjinuara.
“Seriozisht menduat që Trump do t’ju lejonte ti Balkanizonit administratën po të dinte vërtet çfarë bëhej tek ju? Trump është tashmë i qartë, oh të gjorët ju… Ky është vetëm fillimi! Ju a premtoj me dorë në zemër – ai korrupsion tek ju do marrë fund dhe e gjithë kupola do të shkatërrohet plotësisht, duke marrë dhe mediat me vete. Dhe ju lutem, për çfarë heqje ‘non-gratash’ flisni nëpër studio televizive? Asgjë nuk hiqet për sa kohë që dosjet e SPAK mund t’i kalojnë DASH-it, nëse s’janë këtu tashmë. Nëse Grenell apo kushdo tjetër guxon t’i afrohet dosjes së Berishës në DASH, do plasin skandale që si keni imagjinuar ndonjëherë“, tha Kokalari.
