Partia Demokratike i ka dërguar një letër kryetares së Kuvendit të Shqipërisë, Lindita Nikolla lidhur me miratimin e marrëveshjes për Portin e ri të Durrësit.
PD në kërkesë shprehet se për diskutime janë përcaktuar vetëm 6 orë, ndërsa që çdo deputeti i bie jo më shumë se sa 2 minuta e 57 sekonda. Në letër thuhet se koha e diskutimit për këtë çështje nuk mund të shkurtohet, por është e nevojshme një debat publik duke i lejuar çdo deputeti që të flasë për këtë çështje kombëtare.
Kështu PD kërkon që të hiqet ky kufizim kohor dhe së paku çdo deputet të flasë 10 minuta n foltoren e Kuvendit. Dita e nesërme pritet ta kthejë Kuvendin një “arenë” përballje mes opozitës dhe mazhorancës. Rama ka theksuar se ndërtimi i Portit të ri të Durrësit është jetik për zhvillimin e Shqipërisë duke i dhënë një hov të madh turizmit në vend ose siç e quan kryeministri do ta kthejë Durrësin në “Dubain e Mesdheut”.
