Nisma për rivlerësimin e pasurive të paluajtshme me normën 5% është votuar pa kundërshtime në Komisionin përgjegjës të Ekonomisë nga mazhoranca dhe opozita.
Edhe pse e depozituar që në maj, nisma arriti të marrë “dritën jeshile” përpara mbylljes së punimeve plenare, ndërsa votimi në seancë plenare sipas deputetëve pritet të bëhet në shtator.
Në ndryshim nga drafti fillestar, norma e rivlerësimit për pasuritë e paluajtshme të qytetarëve dhe bizneseve do të bëhet me normën 5% dhe jo 3%, si dhe do të jetë e fundit që bëhet sipas socialistëve.
Me ligjin e miratuar të drejtë rivlerësimi do të kenë edhe objektet në proces legalizimi. Tregu i pasurive të paluajtshme ka pësuar një ngërç në muajt e parë të këtij viti siç tregojnë edhe të dhënat e PBB-së, pasi aktualisht qytetarët detyrohen të paguajnë një normë tatim-fitimi 15% për diferencën mes çmimit të blerjes dhe shitjes.
