Adriatik Lapaj ka marrë vendimin ekstrem për të mos pranuar mandatin e deputetit, nëse koalicioni “Nisma Shqipëria Bëhet” mbetet vetëm me mandatin e fituar në Tiranë.
Adriatik Lapaj deklaroi se do të mbajë fjalën duke dhënë dorëheqjen dhe deputet do të jetë personi i dytë pas tij që ka marrë më shumë vota në Tiranë.
Sipas rezultateve, i dyti më i votuari nga ky koalicion në Tiranë, pritet të jetë Endri Shabani, i cili me siguri do ta “mbërthejë” mandatin e Lapajt me urgjencë, pasi këto raste nuk i shpëtojnë kurrë.
Edhe pse koalicioni i drejtuar prej tij, ka dështuar të marrë mandate parlamentare, Lapaj u përpoq të justifikojë disfatën duke thënë se ka marrë vota në rang kombëtar duke rezultuar forcë e tretë.
