Ilir Meta pretendon për parregullsi në procesin e numërimit, duke ngritur dyshimin e tjetërsimit të votave për të, te kandidatët e tjerë të aleancës në 5 njësitë administrative: Kavajë, Golem, Synej, Helmas dhe Luz i Vogël.
Meta në bashkinë e Kavajës ka marrë vetëm 113 vota. Në vitin 2021 partia e tij, në atë kohë Lëvizja Socialiste për Integrim kishte 1118 vota në Bashkinë Kavajë, pra një rënie me mbi 90%. Në qytet (Kavajë) Meta ka marrë gjithsej 73 vota, njësinë administrative të Golemit vetëm 26 vota, në Helmes 5, Luz i Vogël 7 dhe Synej vetëm 2 vota.
Me këtë rezultat, Meta renditet i nënti mes 37 kandidatëve të aleancës, ndërsa është lënë me diferencë shumë të madhe pas nga 3 më të votuarit e kësaj bashkie Elton Roshi, që në total numëron 2815 vota, Arnold Kariqi 2133 dhe Loranca Hoxha 1841 vota.
