Renee Reffo, vajza e aktores Julia Ilirjani, e ftuar në Top Channel, ka bërë disa deklarata që si shpeshherë të thëna nga ajo kanë ‘ndezur’ rrjetin.
E pyetur nëse ka ndonjë kusht për partnerin e saj, ajo pa komplekse tregon se burrin e do të pasur që të mos i mungojë asgjë.
“Kushti im financiar është që mashkulli që unë kam në krah të bëjë të paktën dy herë atë që bëj unë. Nëse është më shumë hallall, por kjo është minimalja. Nuk mund të merrem me një çun që nuk ka kaluar gjysmat e eksperiencave të mia, nuk ka aq lekë sa po bëj unë në muaj. Nëse unë shkoj një herë në javë në një restorant luksi, duhet të jetë i aftë minimalisht të më çojë dy herë në javë…”, ka thënë Rene.
