Projekti “Ekipet Sportive” në Shkolla hapi këtë të shtunë siparin në ambientet e satdiumit Air Albania.
Mbi 10 mijë nxënës nga 61 qytete të Shqipërisë ishin të pranishem në këtë aktivitet,i cili ka për qëllim zbatimin e një programi kombëtar që nxit sportin masiv, zbulimin e talenteve dhe edukatën sportive. Kryeministri Rama u shpreh se nga ky projekt do të dalin shumë kampionë të rinjë që do të ngrenë lart flamurin e Shqipërisë.
“Në këtë stadium fjala më e bukur që mund të thuhet është fjala “Shqipëri”. Në këtë lëvizje të madhe sportive, e cila sapo ka nisur, me siguri do të dalin edhe ata kampionë që do të ngrenë lart flamurin e Shqipërisë, do të dalin edhe ata që do të nderojnë jo vetëm veten, jo vetëm prindërit, por mbarë kombin shqiptar”, tha Rama. Nxënës nga shkolla të ndryshme të Shqipërisë performuan në fushën e blerte kërcimet e tyre tradicionale si dhe sportistët e vegjël shfaqën talëntin në disiplina të ndryshme. Projekti do të vazhdojë të zbatohet në cdo shkollë 9 vjecare dhe në ato të mesme.
